LDK premton gjysmën e buxhetit të shtetit për kryeqytetin e Kosovës

I kuruar si çdo herë, ngjitet në skenë për fitore, ashtu si çdo kandidat tjetër për kryeministër në këto zgjedhje, edhe ai i LDK-së, më i riu nga të gjithë kandidatët për këtë pozitë, Lumir Abdixhiku.

LDK-ja ishte përgjysmuar në zgjedhjet e fundit dhe Abdixhiku mori përsipër barrën për ta rikthyer bazën elektorale të partisë.

Më slloganin “Bëhu ndryshimi”, ai fton qytetarët që ta ndëshkojnë Albinin e t’i besojnë verbërisht Lumirit.

Gjysmën e buxhetit aktual të Republikës së Kosovës, Abdixhiku ia premtoi Prishtinës së Përparim Ramës, ndonëse shpeshherë është pretenduar për ftohje të raporteve mes dy djemve të Prishtinës.

Abdixhiku, ndryshe nga kandidatët tjerë, e nisi fushatën me familjen e tij, bashkëshorten dhe dy vajzat. E vogla, pati një moment para mikrofonit.

Abdixhiku ka nisur fushatën ende pa filluar zyrtarisht duke e fuqizuar emrin e tij. Mbi slloganin e partisë, ndodhet Lumiri 2025.