Detajet e fundit nga Policia: Situata në Emshir është nën kontroll, 13 banorë kanë marrë trajtim mjekësor

Incidenti i zjarrit te një ndërtesë në lagjen Emshir të Prishtinës, të enjten në mbrëmje, ka shkaktuar panik të madh te banorët. Shumë prej tyre arritën të largohen nga banesa, ndërsa të tjerë u shpëtuan nga Zjarrfikësit dhe Policia e Kosovës. Deri më tash, mbi 10 qytetarë kanë marrë trajtim mjekësor, raporton Gazeta Sinjali.

Lajmin për Sinjalin e kanë konfirmuar nga Policia në Prishtinë, me ç’rast është bërë e ditur se situata është kontroll dhe 13 banorë kanë marrë ndihmë mjekësore.

“Informacion shtesë: Aktualisht situata është vënë nën kontrollë, zjarri është lokaluzuar nga ana e zjarrfikësve. Bazuar në të dhënat aktuale numri i personave që u është ofruar tretman mjekësor arrinë në trembëdhjetë (13). Për detajet rreth rastit do të njoftoheni pas përfundimit të ekzaminimeve të nevojshme hetimore e procedurale nga institucionet kompetente.”

Në vendin e ngjarjes ndodhen të gjitha njësitë përkatëse dhe aktualisht nuk dihet shkaktari i zjarrit.