Podujevë: LDK-ja takim me pensionistët llapjanë

Lidhja Demokratike e Kosovës – Dega në Podujevë me në krye Ekrem Hysenin, kanë mbajtur takim me pensionistët e Podujevës.

Më poshtë postimi i Ekrem Hysenit:

Pensionistët- janë kategoria ndaj të cilës secili nga ne ka obligim.

Ky obligim shtohet edhe më shumë, për faktin se gjendja në të cilën ndodhen ata duhet NDRYSHUAR rrënjësisht, ashtu siç duhet të ndodh NDRYSHIMI në Llap e në Kosovë.

Në asnjë moment, asnjëherë deri më sot kjo keqqeverisje nuk e ka parë të rrugës që ta trajtojë seriozisht e denjësisht këtë kategori të shoqërisë sonë.

ASNJËHERË për katër vite NUK e kanë parë të arsyeshme që të marrin një VENDIM të DREJTË, t’i ngrisin pensionet në mënyrë që prindërit tanë, ata që sakrifikuan gjithçka që ne sot të jemi këtu e ta kemi shtetin tonë, të paktën t’ju mundësojë që të jetojnë një jetë të qetë, e jo me shqetësimin e vazhdueshëm se me pensionet e tyre as barnat s’mund t’i sigurojnë.

Ndryshimi po vjen, ndryshimi po ndodh më 9 shkurt!

Besimi juaj, vota juaj për LDK-në nuk është vetëm për pushtet, mbi të gjitha është për dinjitet.

Përulem para secilit prej jush, për kontributin tuaj!

I juaji, Doku!