Premtimi i Lumirit: LDK nuk ndan në patriot e tradhtar

Gëzim Plakolli, kryetar i Degës së LDK-së në Mitrovicë, ishte nikoqir i pritjes së simpatizantëve të kësaj partie në Shtëpinë e Kulturës ku patën tubim.

Materiale zgjedhore pati me bollëk, e brenda u bënë përgatitjet e fundit teknike para se aty të arrijë i zgjedhuri i partisë për kryeministër, raporton Klan Kosova.

Pritja për Lumir Abdixhikun ishte e ngrohtë, teksa edhe ulëset u desh të shtohen.

Nikoqiri tha se LDK duhet kthyer në pushtet e jo kjo qeveri, sipas tij, në ikje.

Për kreun e Lidhjes, uraganit të fitores së partisë që drejton iu bashkua edhe ky qytet në veri të vendit.

Në Mitrovicën e Isa Boletinit, Abdixhiku tha se nuk erdhi për të ndjellë urrejtje si kundërshtarët.

Në fund bëri thirrje që të votohen 3 kandidatët për deputet nga ky qytet, e nga thesari i nëntokës, ky pranoi edhe një gur të çmuar.

Tubim gjatë ditës, LDK-ja ka pasur edhe në Gurrakoc të Istogut e Miradi të Poshtme. /Klankosova.tv