LAJMI I FUNDIT: Dorëzohet në polici i dyshuari për vrasjen e 22-vjeçarit në Podujevë

I dyshuari që qëlloi me thikë për vdekje 22 vjeçarin, Amir Zhegrova, të martën në fshatin Gllamink të Podujevës, është dorëzuar në Polici, raporton Sinjali.

Policia ka njoftuar se personi i dyshuar është 25 vjeçar, i cili pasi është paraqitur në Polici, me vendim të Prokurorit është dërguar në mbajtje.

“Kërkimet e vazhdueshme për arrestimin e tij nga ana e policisë, kanë bërë që personi i dyshuar O.Zh. mashkull 25 vjeç, sot të dorzohet në polici. Pas intervistimit në prezencë të avokatit mbrojtës, personi i dyshuar me vendim të prokurorit të shtetit është dërguar në mbajtje“, thuhet në raportin e Policisë.