Jehona: 19 vjet pa vizionarin dhe themeluesin e shtetit të Kosovës

Në 19 vjetorin e vdekjes së Ibrahim Rugovës, me anë të një postimi ka reaguar edhe kryetarja e forumit të gruas në LDK, Jehona Lushaku Sadriu.

Më poshtë postimi i saj:

19 vite pa vizionarin dhe themeluesin e shtetit të Kosovës, Dr. Ibrahim Rugova

Sot përkujtojmë ndarjen nga jeta të Presidentit historik, Dr. Ibrahim Rugova, liderin që udhëhoqi Kosovën drejt lirisë dhe pavarësisë. Si ideatori dhe ati themeltar i shtetit tonë, Rugova mbetet simbol i unitetit, tolerancës dhe paqes.

Presidenti Rugova synoi një Kosovë të pavarur, me miqësi të forta ndërkombëtare dhe demokraci, duke theksuar gjithnjë se: “Shtëpia nuk mbahet pa miq”.

Lavdi jetës dhe trashëgimisë së Presidentit, Dr. Ibrahim Rugova!