“As ide, as projekte, panik, mjeruese, nuk bijmë në nivelin e tyre”, Jehona thotë se LDK nuk bën përçarje si LVV

Jehona Lushaku Sadriu nga Lidhja Demokratike e Kosovës (LDK), ka thënë se gjuha agresive e Lëvizjes Vetëvendosje gjatë kësaj fushate zgjedhore është për shkak të panikut.

Ajo ka thënë se në mungesë  të ideve e projekteve, LVV ka zgjedhur polarizimin e skajshëm.

Tutje, ajo në “Pressing” të T7, të mërkurën ka thënë se LDK-ja nuk bie në një nivel të tillë.

Ka shtuar se LDK ka ide e program, dhe nuk shkakton përçarje në shoqëri.

“A duhet diskursi ynë të bie në nivelin e liderit të Vetëvendosjes, jo sepse edhe gjatë këtyre viteve jemi munduar e koncentru energjinë në gjetje të zgjidhjes së problemeve të qytetarëve, në hartim të programeve se këtu nuk kemi bërë asgjë tjetër përveç kemi tregu se jemi seriozë në platformën tonë politike dhe garojmë me projekte”.

“Partia Vetëvendosje bën vetëm përçarje, sepse ashtu mbijeton, pasi nuk ka çfarë prezanton, nuk ka projekte, nuk ka ide – projektet e zgjidhjet me i dhënë për qytetarët. E këtë mungesë, paniku, kur ke keqqeverisje ti duhesh me fillu me ataku, akuzu, e me i akuzu qytetarët në këtë situatë mjeruee, si parti assesi nuk bijmë në nivelin e tyre sepse është e rrezikshme për shtetin tonë”, ka thënë ajo. /Gazeta Express