Plaçkitet EXFIS në Trudë
Pompat e derivateve jo rrallëherë janë cak i hajnave. Kjo dukuri po krijon pasiguri dhe frikë si për qytetarët ashtu edhe për punëtorët që punojnë në këto biznese. Rastet më të shpeshta për të cilat ka raportuar në vazhdimësi Gazeta Sinjali kanë ndodhur në pompat e kompanisë EX FIS.
Një rast i tillë është raportuar të ketë ndodhur sot në orët e mëngjesit, te pika e kësaj kompanie që ndodhet në fshatin Trudë të Prishtinës
Sinjali mëson se një person, nën kërcënimin e armës së ftohtë ka arritur që të marrë rreth 200 euro para të gatshme dhe më pas ka ikur me shpejtësi.
Me t’u denoncuar rasti, Policia ka dalë në vendin e ngjarjes ku kanë kryer ekzaminimet e nevojshme që ndihmojnë në zbardhjen e rrethanave të rastit.
Në kuadër të veprimeve hetimore është intervistuar edhe punëtori i kompanisë.
Me urdhër të prokurorit, rasti është cilësuar ‘Grabitje ’, teksa veprimet tjera ligjore do merren posa të kapen të dyshuarit.
