Nga LVV-ja thonë se edhe një premtim u plotësua
Postimi i LVV-së:
Edhe një zotim i përmbushur, madje i tejkaluar!
Zotimi ynë ishte për 2000 policë të rinj. Për katër vjet diplomuan 6 gjenerata, që me sot, i bie gjithsej 2475 pjesëtarë të rinj policorë.
“Struktura gjinore dhe etnike e kësaj gjenerate kadetësh që nga sot po bëhen policë, e tregon edhe vet strukturën e shoqërisë tonë dhe politikat e shtetit të Kosovës. Në gjeneratën e 61-të, sot po diplomohen gjithsej 462 pjesëtarë të ri të Policisë, prej të cilëve 406 djem e burra dhe 56 vajza e gra. Nga kjo gjeneratë, 343 pjesëtarë janë shqiptarë, 79 serbë, 23 boshnjakë, 6 turq, 6 egjiptianë, 3 ashkali dhe 2 pjesëtarë janë romë. Kjo larushi etnike, përveçse e reflekton barazinë në qasje dhe mundësi ndaj secilit në shoqërinë tonë, e shpërfaq edhe suksesin e integrimit të komuniteteve joshumicë në institucionet e Kosovës, deri këtu në institucionet e sigurisë”, tha Kryeministri Albin Kurti, në Ceremoninë e diplomimit të kadetëve të Policisë së Kosovës.
