Labinot Tahiri kritik për politikën aktuale: Raportet me miqtë që na i la baba Rugovë, i ruajti edhe Thaçi

Ish-deputeti i Kuvendit të Kosovës, Labinot Tahiri, ka publikuar disa fotografi të ish-presidentit të Kosovës, Ibrahim Rugova, bashkë me ish-presidentin amerikan, Bill Clinton. Tahiri ka shkruar se Rugova i ka vendosur raportet me SHBA-në në kohët dhe ditët më të rënda për vendin.

Këto raporte, Tahiri thotë se janë ruajtur edhe nga Hashim Thaçi, pavarësisht fushatave zgjedhore e qeverisjes së brendshme që ndodhte në Kosovë.

Ish-deputeti ka konstatuar e politika në Kosovë po bëhet për kohë afatshkurte dhe një politikë e tillë po del e dështuar. Tahiri tutje ka thënë se Kosova duhet të lihet në duar të sigurta, pavarësisht se kush qeveris sot apo nesër.

Postimi i plotë:

Faleminderit, legjenda e shqiptarisë dhe udhëheqësi më paqësor në botë,

Ibrahim Rugova, që na i rregullove marrëdhëniet me Amerikën dhe botën ndërkombëtare deri te Pavarësia e Kosovës, në kohët dhe ditët më të vështira për popullin shqiptar të Kosovës.

Ruani raportet me miqtë tanë, ashtu siç na i la baba Rugovë e që më pastaj, Legjenda Hashim Thaqi i ruajti raportet me nderkombetar pavaresisht fushatave dhe qeverisjes se brendshme që ai bente në Kosovë , ai i rujti teper mirë ato raporte sepse pa miq shteti nuk mbahet dhe nuk perparon.

Politikën në Kosovë jeni duke e bërë vetëm për 5 minuta ditore dhe, pa dyshim, ajo po del shumë e dështuar.

Duhet të bëni politikë 24 orë në favor të shtetit ashtu siq e ruani familjen tuaj sepse fushatat vijnë e shkojnë, liderët ndrrohen, kurse shteti duhet të lihet në duar të sigurta dhe të punohet me përkushtim të vërtetë për te kushdo që udheheq sot apo nesër.

Me dashuri për shtetin dhe kombin,

Labinot Tahiri