Përfshihet nga zjarri një veturë me targa të huaja në veri të Mitrovicës

Një veture me targa të huaja është përfshirë nga zjarri dje në Mitrovicë të Veriut, bëri të ditur policia.

Vetura ishte pronë e një burri kosovar, ndërsa për shuarjen e flakëve në vend të ngjarjes kanë dalë zjarrfikësit dhe njësitet e policisë.

“Kodra e Minatorëve, Mitrovicë Veri 24.01.2025-21:05. Raportohet se është përfshi nga zjarri vetura me targa të huaja pronë e ankuesit mashkull kosovar. Në vendin e ngjarjes kanë dalë njësitet përkatëse, ndërsa ekipi i zjarrfikësve ka lokalizuar zjarrin. Lidhur me rastin është njoftuar prokurori. Rasti nën hetime”, thuhet në njoftimin 24-orësh të policisë.