The;ret me thikë një i mitur

Nuk janë të rralla rastet kur në Kosovë përdoren armët e zjarrit apo ato të ftohta, duke çuar kështu deri në plagosje apo therje. E këto raste bëhen akoma më të rënda kur janë të përfshirë personat e moshës së mitur, raporton Gazeta Sinjali.

Një rast i tillë ka ndodhur të premten në fshatin Llapushnik, ku një i mitur ka mbetur i therur me thikë.

Sipas informacioneve të para, viktima është sulmuar fizikisht dhe më pas është therur me thikë nga një bashkëmoshatar i tij, i cili është po ashtu i moshës së mitur.

Ndërkaq, i dyshuari në lidhje me këtë rast është arrestuar nga Policia dhe pas intervistimit, me vendim të prokurorit është dërguar në mbajtje.

Lajmi është konfirmuar edhe nga Policia e Kosovës, të cilët kanë bërë të ditur se rasti është cilësuar si “Lëndim i lehtë trupor”.