Jehona Lushaku: Si krejt Llapi, edhe Letanci i tha PO ndryshimit

Lidhja Demokratike e Kosovës ka mbajtur tubim në Letanc të Podujevës.

Më poshtë postimi i kandidates për deputete, Jehona Lushaku Sadriu:

Ashtu si në krejt Llapin, edhe Letanci i tha PO frymës së ndryshimit! Qytetarët e këtij fshati, me pjesëmarrje të jashtëzakonshme në Shkollën Fillore “Hyzriu e Samiu”, dëshmuan mbështetjen e tyre të fuqishme për programin fitues të Lidhjes Demokratike të Kosovës.

Letanci, me njerëz të mirë e punëtorë, me mësues e doktorë, është shtyllë e fortë e Lidhjes Demokratike dhe është rreshtuar me ndryshimin.

Me kryeministrin e ardhshëm, Dr. Lumir Abdixhiku, do të jetë një epokë e re për Kosovën: rritje cilësore në arsim, zhvillim i ekonomisë, paga më të larta, dhe përmirësim i ndjeshëm i jetës së qytetarëve. Xhepi i familjeve do të ndiejë lehtësime, pasi shpenzimet do të reduktohen ndjeshëm.

Le të vazhdojmë së bashku për të sjellë ndryshimin që Kosova e meriton!

#BëhuNdryshimi #LDK124 #LumirAbdixhiku1 #Jehona9