Mijëra të pranishëm në tubimin e LDK-së në Pejë
Lidhja Demokratike e Kosovës ka mbajtur sot tubim elektoral në Pejë.
Më poshtë postimi i Lumir Abdixhikut:
PEJË, LULE E DUKAGJINIT!
Sa i bukur Karagaçi i mbushur plot!
Peja, na dha sot zemër, na dha sot forcë, na dha sot besim; dhe ky moment, kjo datë e kjo ditë, do të mbahet në mend si momenti i kryengritjes së djathtë kombëtare!
E kemi ditë se Peja është një me LDK-në, por na paska marrë malli me u ju pa kështu, kaq shumë e kaq të bashkuar, në një moment vendimtar si ky, kur e ardhmja e vendit e pret 9 shkurtin e fitores sonë.
Si përherë, Peja e Dukagjini janë aty kur Kosova ka më së shumti nevoje. Ishin aty kur u vendosën themelet e Lidhjes Demokratike; ishin aty kur u shtrua bazamenti i shtetit tonë, dhe janë aty sot, kur jemi bërë bashkë për të ardhmen e vendit.
Nuk ka ndryshim pa Pejën, dhe nuk ka LDK pa Dukagjinin!
Me çdo ndalesë të kësaj fushate frymëzuese, është e qartë se jemi në mesin e një lëvizjeje që po i përfaqëson ëndrrat dhe aspiratat e çdo qytetari të Kosovës.
Rrugëtimi ynë po ndërtohet mbi vizionin për një të ardhme më të mirë, dhe kjo e ardhme e bukur ka tashmë ka filluar!
Në Pejë, si në çdo tubim tonin, fola për projektet dhe investimet tona për zhvillimin e vendit.
Fola për të ardhmen!
Do ta përfundojmë magjistralen e Pejës, që lidh Prishtinën me Dukagjinin, dhe do ta shndërrojmë Dukagjinin në perlë të turizmit malor me investim €50 milionësh për ndërtimin e Qendrës Borea brenda mandatit.
Do ta ndërtojmë Stadiumin e Ri futbollistik të kategorisë së UEFA 4 me 12 milion euro investim, dhe do të investojmë mbi 10 milion euro në Spitalin e Pejës për ta shndërruar atë në një qendër moderne të ekselencës.
Do ta ndërtojmë të ardhmen e vendit me mirëqenie e jetë më të mirë për të gjithë – bashkë!
Gaz, falemnderit për këtë organizim frymëzues e madhështor! Suksese kandidatëve tanë nga Peja: Gazmend Muhaxheri, Kujtim Shala, Besa Gaxheri, Xhenet Syka Kelmendi, Fatmir Asllani, Sadri Berisha, Albulena Mujaj Bajraktari dhe Rexhep Kurtbogaj.
Falemnderit Pejë!
Me këtë mbështetje e besim të gjerë popullor, do ta sjellim ndryshimin e madh me 9 shkurt dhe do ta hapim rrugën për një Kosovë që ecën përpara
