Bulliqi: Miratohet lokacioni për çerdhen e re në Podujevë

Postimi i Shpejtim Bulliqit:

Të dashur qytetarë,

Sot në Kuvendin Komunal u miratua propozim/vendimi për caktimin e lokacionit për ndërtimin e një çerdheje të re në qytet, ajo do të ndërtohet në oborrin e SHFMU “Enver Maloku”, një investim shumë i rëndësishëm për banorët e kësaj zone.

Ndërkohë, po përgatitet dokumentacioni për çerdhen tjetër në Lagjen e Dëshmorëve, duke vazhduar punën tonë për të krijuar kushte për edukim të hershëm për të gjithë fëmijët në Komunën e Podujevës.

Falënderoj asamblistët e Kuvendit për mbështetjen e këtij propozim/vendimi si dhe e falënderoj Qeverinë Kurti për përkrahjen me mjete financiare në realizimin e këtyre projekteve kaq të rëndësishme.

E gëzofshin banorët këtë projekt!

P.s fotografia është ilustrative.