Doarsa Kica: Qeveria Kurti nuk ka dashur reformim të sistemit të drejtësisë, por shtrirje të kontrollit

Programi i Lidhjes Demokratike të Kosovës është diskutuar sonte në emisionin Rubikon në Klan Kosova.

Vëmendje e veçantë i është kushtuar sektorit të drejtësisë, për çka kandidatja për deputete nga kjo parti Doarsa Kica-Xhelili, pati kritika të ashpra për kryeministrin Albin Kurti.

Ajo tha se Qeveria Kurti s’ka dashur reformim të drejtësisë, por shtrirje të kontrollit.

“P.sh te rasti i Vetingut, mënyra se si është menduar të votohen krejt gjyqtarët dhe krejt prokurorët e sistemit të drejtësisë, ka qenë për të krijuar njëfarë mekanizmi, për ta pasur dorën e ekzekutivit apo njerëzve shumica parlamentare, për të vendosur për ata”, deklaroi ajo në Klan Kosova.