“Pa lëndime, as vet nuk e di qysh kam pshtu” – I riu tregon se si e bëri ‘cop-cop’ BMW-në në Prishtinë
Një aksident i rëndë ka ndodhur mbrëmë pas mesnate në rrugën Prishtinë – Ferizaj, ku një person nga shpejtësia e madhe dhe pakujdesia ka shkaktuar një vetaksident, por pa pasoja në njerëz, raporton Sinjali.
Nga pamjet shihet një veturë e tipi BWM që ishte rrokullisur nga shpejtësia dhe tërësisht e shkatërruar.
Një i ri ka treguar në rrjete sociale se si ndodhi aksidenti mbrëmë, duke treguar edhe gjendjen e makinës tashmë tërësisht të demoluar.
Ai i falënderohet Zotit se si shpëtoi mrekullisht nga ky aksident, duke treguar se e humbi kontrollin shkaku i shpejtësisë dhe një pengese në rrugë.
“Faleminderit krejtve shyqyr Zotit pa lëndime. Vet jam kanë në kerr as se kam rrok kërkon, as sen, prej shpejtësisë te madhe nja guri a se di çka kam shkelë – ma ka humb drejtimin dhe më ka humb kontrolla – po sheqyr prapë prej Zotit, faleminderit pa lëndime. Se di qysh po mirë kam pshtu, kerri bahet”, shkroi ai.
