Pengimi i Nacionales në fushatën e VV-së: Vetëvendosja dënohet 5 mijë e 500 euro

Paneli Zgjedhor për Ankesa dhe Parashtresa (PZAP) ka dënuar Lëvizjen Vetëvendosje me 5 mijë e 500 euro gjobë për pengimin e gazetarës së Nacionales Besarta Hoti, në tubimin e partisë në pushtet në Malishevë. Anipse Vetëvendosja kishte dërguar përgjigjje në ankesë në PZAP për ta mohuar këtë rast, megjithatë Paneli vendosi ta dënoj.

“Paneli, pas shikimi të shkresave të lëndës dhe video-inçizimit të ofruar si dëshmi ka vërtetuar se subjekti politik LVV, e datë 25.01.2025 në ora 18:00 ka mbajtur fushatën zgjedhore në qytetin e Malishevës, përkatësisht në Palestrën e Sportit, dhe gjatë mbajtjes së tubimit mbështetësit përkatësisht organizatorët e këtij subjekti në kundërshtim me dispozitat ligjore “Ligjit për Zgjedhje të Përgjithshme, kanë penguar gazetarët në kryerjen e detyrave të tyre profesionale, me ç’rast gjatë pengimit të tyre subjekti politik LVV ka shkelur nenin 34, paragrafi 1.5 të LZP-së, i cili përcakton se “Gjatë periudhës së fushatës, subjekti politik mbështetësit ose kandidatët e tij, ndalohen nga pengimi se tentimi për pengimin e gazetarëve për të përmbushur detyrat e tyre profesionale” – thuhet tutje në vendim.

“Çka keni lyp me ardh k’tu? Ju jeni ma zi se të Serbisë” – Gazetarja e Nacionales pengohet në tubimin e VV-së në Malishevë

Gazetarja e Nacionales, Besarta Hoti, është penguar në tubimin e Lëvizjes Vetëvendosje në Malishevë.

Gjatë mbulimit të këtij tubimi, zyrtarë të VV-së i janë drejtuar me pyetjet “Çka keni lyp me ardh këtu?”, madje gazetares i kanë thënë “Ju jeni ma zi se të Serbisë.”

Për më shumë ndiqeni videon.