Arrestohen tri arkëtare, familjarëve ua kanë shitur produktet me çmime të përgjysmuara

Tri arkëtare të Euro Store në Fushë Kosovë kanë tentuar t’u ndihmojnë familjeve të tyre, duka ua shitur produktet me çmime joreale, raporton Gazeta Sinjali.

Ky fakt i ka dëmtuar ato, pasi janë lajmëruar nga pronarët tek organet e rendit.

Për pasojë tri arkëtaret janë arrestuar pas hetimit që është bërë ndaj tyre, për keqpërdorim të detyrës zyrtare, merr vesh ekskluzivisht Gazeta Sinjali.

Të trija dyshohen se gjatë muajve të fundit, të vitit të kaluar familjarëve të tyre ua kanë shitur produktet me çmime të përgjysmuara.

Produktet me çmim prej 1 euro dyshohen se ua kanë shitur familjarëve të tyre, me çmim të përgjysmuar.

Te dyshuarat janë 22, 24 dhe 26 vjeçare, të cilat pas arrestimit dhe intervistimit, me vendim te prokurorit janë dërguar në mbajtje.