Kër;cënoi Vehbi Kajtazin, arre;stohet një person

Krimet e Rënda kanë nisur hetimin për kërcënimin e gazetarit Vehbi Kajtazi, pas një denoncimi për kanosje. Policia është vënë në lëvizje dhe ka arritur ta arrestojë personin e dyshuar, raporton ekskluzivisht Gazeta Sinjali.

Burimet brenda Prokurorisë kanë bërë me dije se Edi Belegu, rreth 19-vjeçar nga Peja, tashmë ka përfunduar nën masën e ndalimit policor për kërcënimet me vrasje ndaj Kajtazit.

Gazetari Vehbi Kajtazi, të enjten përmes një postimi në Facebook, ka publikuar mesazhet kërcënuese që ka pranuar nga i riu, Edi Belegu.

“Sot gjate gjithe dites ne, ne Paparaci kemi raportuar per nje bande te rrezikshme e cila u ka vene haraç bizneseve ne Peje dhe kishte planifikuar vrasje. Fale Policise dhe Prokurorise Speciale kater prej tyre jane arrestuar.

Si duket nuk eshte arrestuar krejt grupi. Te pakten nje orej tyre eshte i lire. Ky person i quajtur Edi Belegu, po kercenon me vrasje nese nuk fshihet videoja e njerit prej te arrestuarve. Me besim te plote ne Policine e Kosoves, pres qe edhe ky vrases potencial te perfundoje para drejtesise“, shkruhet në postimin e Kajtazit.

Ndaj 19-vjeçarit është iniciuar hetimi në drejtim të veprës penale “Kanosja”.

Ai është dërguar në mbajtje për 48 orë.