Reagon VV-ja: Tubimi nuk u mbajt në Xhami, por në objektin e vjetër të Xhamisë që përdoret për takime

Lëvizja Vetëvendosje ka mbajtur tubim në Majac të Podujevës.

Pas publikimit të fotove, shumë qytetarë reaguan për këtë tubim i cili u bë në Xhaminë e vjetër të fshatit, që tashmë është në shërbim vetëm për takime.

Lëvizja Vetëvendosje – Qendra Besianë, ka dalë me një reagim publik. Nga kjo parti kanë thënë që tubimi është mbajtur në objektin e vjetër të Xhamisë, që tashmë nuk shfrytëzohet për rituale.

Më poshtë postimi:

Lajmet që po qarkullojnë në media dhe nga eksponentë të ndryshëm, se Lëvizja VETËVENDOSJE! ka mbajtur tubim në xhaminë e fshatit Majac, janë të pavërteta.

Tubimi është mbajtur në objektin e vjetër të xhamisë, i cili tashmë nuk shfrytëzohet për rituale fetare, por si hapësirë për takime të komunitetit dhe për të pame.

Përhapja e dezinformatave të tilla është e qëllimshme dhe synon të shtrembërojë të vërtetën.

06.02.2025