Lumir Abdixhiku: Me VV-në nuk bëj koalicion edhe sikur të më kushtoj me karrierë

Në rast se partia e tij, dhe ai si kandidat nuk arrijnë t`i sigurojnë votat për të udhëhequr qeverinë e vendit për katër vitet e ardhshme, Lumir Abdixhiku ka qenë i prerë se nuk ia shtrin dorën e bashkëpunimit Lëvizjes Vetëvendosje.

Ai në intervistën për Rubikon, tha se arsyeja pse nuk bën bashkëqeverisje me LVV-në lidhet me atë se partinë e tij e quajtën bashkëpunëtore të Serbisë.

“Unë jam i ri në politikë por nuk mund të bashkëpunoj me dikë që më konsideron bashkëpunëtor të Serbisë. Nëse kështu e keni bindjen, kjo nuk shkon, ose duhet me dal me sqaru para popullit… po s`me vyen sqarimi. Këta nuk janë të padijshëm, por po janë tu bë mashtrim publik me rrezikim të jetës së njerëzve. Këta njerëz unë i kam pas partnerë të koalicionit, në shtëpinë time është diskutua koalicioni, ky njeri ka qenë Shpejtimi”.