Rrahmani: Koalicioni për Familjen do të hyjë fuqishëm në Kuvend

Koalicioni për Familjen ka përmbyllur sonte fushatën zgjedhore me një tubim madhështor, në një atmosferë triumfi dhe entuziazmi të jashtëzakonshëm.

Lideri i këtij koalicioni, Eman Rrahmani, i drejtoi një mesazh të fuqishëm qytetarëve, duke paralajmëruar një befasi të madhe në zgjedhjet e 9 shkurtit – një fitore që do të sjellë Koalicionin për Familjen fuqishëm në Kuvendin e Kosovës.

“Në këtë betejë, ne nuk jemi vetëm! Përkrahja e madhe që kemi marrë në çdo cep të Kosovës na jep sigurinë se Koalicioni për Familjen do të jetë zëri i popullit në Kuvend,” deklaroi Rrahmani, duke falënderuar qytetarët për mbështetjen e jashtëzakonshme gjatë gjithë fushatës.

Koalicioni për Familjen ka fituar terren të fuqishëm në të gjitha komunat e Kosovës, ndërsa projeksionet zgjedhore e nxjerrin atë qartë mbi pragun zgjedhor. 9 shkurti pritet të jetë dita kur ky koalicion do të dëshmojë se vlerat e familjes, moralit dhe traditës kanë një vend të patundshëm në politikën kosovare!