Digjet shtëpia, vdes një person

Një person ka vdekur si pasojë e një zjarri që ka shpërthyer në një shtëpi në orët e para të mëngjesit sot në Gjakovë.

Policia ka konfirmuar se gjatë ndërhyrjes, brenda shtëpisë është gjetur një trup i pajetë i një mashkulli, transmeton Zeri.info.

“Sot, rreth orës 03:30, kemi pranuar informatë për një zjarr në një shtëpi në rrugën “Musa Zajmi” në Gjakovë. Njësitet e nevojshme policore dhe njësia e zjarrfikësve kanë reaguar menjëherë, me ç’rast edhe është lokalizuar zjarri. Gjatë ndërhyrjes, brenda shtëpisë është gjetur një trup i pajetë i një mashkulli. Në konsultim me prokurorin e shtetit është iniciuar rast “shkaktim i rrezikut të përgjithshëm”,ka konfirmuar zëdhënësi i Policisë për rajonin e Gjakovës, Sheremet Elezaj.

Ai shtoi se trupi i pajetë është dërguar për ekzaminim mjeko-ligjor dhe hetimet do të vazhdojnë për të zbardhur rrethanat e plota të këtij rasti. /Zëri