Bedri Hamza: Nga 10 shkurti, Kosova do të jetë më mirë

Kandidati i PDK-së për kryeministër, Bedri Hamza është shprehur i bindur se një ditë pas zgjedhjeve, Kosova do të jetë më e mirë.

Ai u ka bërë thirrje përkrahësve në tubimin përmbyllës në sheshin “Zahir Pajaziti”, që të dielën të dalin dhe të votojnë për PDK-në.

“Jo më mirë, por Kosova do të jetë shumë më mirë, sepse fushata jonë dhe qeverisja jonë u dedikohet të gjithë njerëzve të Kosovës”, ka thënë Hamza.

“E diela është dita jonë, borë a shi, nxehtë apo ftohtë, do të dalim në numër rekord dhe do të dëshmojmë edhe një herë ashtu siç dëshmuam në vitin 1999 dhe 2008 se burimi i lirisë dhe demokracisë janë ata që duan bashkimin dhe jo politikanët që përçajnë”, ka thënë Hamza.