Gjendet i vdekur një 68-vjeçar, dyshohet se i dha fund jetës me armë zjarri
Një ngjarje e rëndë ka ndodhur sot në Gjilan, ku një person është gjetur i vdekur në oborrin e një shtëpie. Viktima është gjetur i shtrirë në tokë, ndërsa pranë tij është gjetur një amrë zjarri dhe një gëzhojë, me të cilën dyshohet se i ka dhënë fund jetës, raporton Gazeta Sinjali.
Sipas informacioneve të para, viktima është një burrë rreth moshës 68-vjeçare.
Në vendin e ngjarjes kanë dalë edhe Njësiti i Hetimeve Rajonale në Gjilan së bashku me Prokurorin e Shtetit të cilët janë duke punuar në ndriçim dhe sqarim të rrethanave të rastit.
Ndërkaq, me urdhër të Prokurorit të Shtetit trupi i viktimës dërgohet në Institutin e Mjekësisë Ligjore për obduksion.
Lajmin për Sinjalin e kanë konfirmuar edhe nga Policia Rajonale në Gjilan.
