Rifillon numërimi i votave për deputetë në Prishtinë

Ka rinisur numërimi i votave për kandidatët për deputetë në sallën 1 Tetori në Prishtinë, pas disa minutash ndërprerje.

Numërimi në qendrën komunale të numërimit në Prishtinë ishte ndërprerë për kandidatët për deputetë pas një një problemi në sistemin e procedimit, por edhe një incidenti mes komisionerëve.

Raportohet se komisionerët e Lëvizjes Vetëvendosje dhe Lidhjes Demokratike janë përplasur për shpalljen ose jo të një vote të pavlefshme.

Në vendngjarje ka dalë edhe prokurori.

Madje, edhe sot, numërimi ka nisur vetëm në Prishtinë, Obiliq, Lipjan e Partesh.

Zëdhënësi i Komisionit Qendror të Zgjedhjeve (KQZ), Valmir Elezi, ka thënë se në komunat e tjera, numërimi pritet të nisë nesër.

Ka pasur shumë ankesa për mosefikasitetin e KQZ-së në këto zgjedhje.