Hamza për fyerjet e Kurtit: Ecim tutje, nuk është gjuhë e duhur
Kandidati i PDK-së për kryeministër, Bedri Hamza, ka vlerësuar se gjatë fushatës, ofendimet e drejtuesve të Lëvizjes Vetëvendosje, kaluan kornizat e normales.
Ai u shpreh në t7, se qytetarët e Kosovës kanë probleme të tjera, të cilat duhet ofruar zgjidhje, transmeton klankosova.tv.
”Ne kemi qëndruar në strategjinë tonë dhe jam i lumtur që e kemi ruajtur konsistencën, edhe sot me u kthy e bëjë të njëjtën rrugë”.
”Besoj që unë kam prezantuar programet, i kam identifikuar mirë nevojat e Kosovës, Kosova ka probleme sa të duash; ekonomike, sociale, mirëqenies, infrastrukturës, diplomacisë, etj”, ka thënë ai.
Tutje Hamza e ka mënjanuar nga komentimi edhe deklarimin denigrues në terma kafshor të Albin Kurtit, ku opozitën e quajti “hajvana” e, argumentativisht, edhe elektoratin opozitar si “hajvanat”.
”Ecim tutje…nuk është gjuhë e duhur”, përgjigjej ai.
”Ja unë e kam thënë dhe po e përsëris. E para i kam tre fëmijë, jam familjar , e kam punu profesor…dhe nuk e lejoj veten asnjëherë me përdor gjuhë jo adekuate. Po e përsëris, gjuha shqipe është mjaftueshëm e pasur me fjalë, dhe mujm me formulu mendimin e vet me fjalë të zgjedhura. Veç ecim tutje”, tha Hamza.
