Austri: Një i vʀᴀʀë dhe pesë të ᴘlᴀgosuʀ si pasojë e ᴜlmit me thɪᴋë
Zyrtarët austriakë kanë njoftuar se një person është vrarë dhe pesë të tjerë janë lënduar gjatë një sulmi me thikë të kryer nga një azilkërkues sirian në Villach, në pjesën jugore të vendit.
Autoritetet në Austria kanë njoftuar se një 14-vjeçar është vrarë dhe pesë persona të tjerë janë plagosur gjatë një sulmi me thikë të cilin e kreu një azil-kërkues sirian.
Sipas raporteve, incidenti ndodhi në Villach, në Austrinë jugore, kur për arsye ende të panjohura, 23-vjeçari nga Siria filloi të sulmon kalimtarët me thikë pa paralajmërim. Policia ka thënë se ende nuk është e sigurt rreth motivit të sulmit por kanë shtuar se me rastin po mirën specialistët e ekstremizmit.
Njëkohësisht, është njoftuar se sulmuesi, i cili është tani nën arrest, u ndalua nga një azil-kërkues tjetër sirian i cili e goditi sulmuesin me automjetin e tij duke ndaluar gjakderdhje të mëtejshme.
Edhe pse fillimisht ka pasur raporte për sulmuesin e dytë, policia tani thotë se është e sigurt se vetëm një person kishte të bënte me sulme.
Sulmi ndodhi në kohën kur në Austri po zhvillohet debat rreth ligjeve të azilit dhe imigracionit dhe besohet se do të përdorët nga partia e djathtë “Partia e Lirisë” e cila udhëheqë politikën anti-azil në vend.
