Eskalon debati, Spahiu-Shalës: Qysh s’ka komb kosovar, gomar?!
Një debat i ashpër është zhvilluar në “Politiko” në mes të profesorit Nexhmedin Spahiut dhe historianit Azdren Shalës lidhur me çështjen e kombësisë.
Shala ka deklaruar se nuk beson që ka komb kosovar.
“Unë jam tek ata që besojnë tek kombi organik. Unë nuk besoj që ka komb kosovar “, ka thënë Shala.
Me një deklarim të tillë nuk është pajtuar aspak Spahiu, i cili e ka cilësuar si fyerje këtë deklaratë të Shalës.
“Ajo është fyerje. Unë nuk të lejoj me thanë ashtu. Fyerje është me thane që s’ka komb kosovar. Qysh është ajo?”, ka thënë Spahiu.
Tutje, debati mes tyre ka vazhduar me tone të ashpra.
“Nëse ti nihesh i fyer është çështje e jotja. Qe ku është dera e hec”, ka thënë Shala.
“Unë mendoj që ky është gomar. Unë s’po e shprehi këtë fyerje”, ka thënë Spahiu./Gazeta10/
