Babai raporton se dy vajzat e tij të mitura janë zhdukur

Nuk janë të rralla rastet kur qytetarët kërkojnë ndihmën e Policisë për t’i gjetur familjarët e tyre që raportohen të zhdukur. Të miturit janë ata që shumë shpesh largohen nga shtëpitë e tyre dhe nuk dihet asgjë për fatin e tyre, raporton Gazeta Sinjali.

Kështu ka ndodhur së fundmi në Malishevë, ku ndihmën e Policisë e ka kërkuar një burrë, i cili ka raportuar se dy vajzat e tij janë zhdukur dhe nuk ka asnjë informacion për vendndodhjen e saj.

Sinjali mëson se babai ka deklaruar se vajzat e mitura kishin dalë nga shtëpia e tyre në fshatin Drenoc më 15 shkurt në mesditë, por më s’janë kthyer.

Përballë kësaj situate, ai vendosi që ta njoftojë Policinë.

Si rezultat i denoncimit, Policia është aktivizuar, me ç’rast është vënë në dijeni edhe Prokurori i Shtetit, i cili ka urdhëruar që të ndërmerren veprimet e nevojshme.