Kandidati i LVV-së i gëzohet përkeqësimit të gjendjes shëndetësore të Thaçit
Kandidati për deputet në listën e Lëvizjes Vetëvendosje, Luan Gacaferi e ka vlerësuar “lajm të mirë” përkeqësimin e gjendjes shëndetësore të ish-presidentit Hashim Thaçi, i cili po mbahet në paraburgim në Hagë.
Në një postim në rrjetin social Facebook të martën, Gacaferi, i cili përfaqëson partinë Guxo në listën e Vetëvendosjes, e cilësoi “lajm të mirë” edhe vazhdimin e paraburgimit ndaj Thaçit.
“A ka naj lajm të mirë sot për Kosovën a jo!!!”, shkroi Gacaferi.
Ai i renditi si lajme pozitive edhe rezultatet zgjedhore të kandidatëve për deputetë nga partitë opozitare, Besnik Tahiri dhe Haki Abazi nga AAK dhe Ardian Kastrati nga PDK.
“Thaqi për shkaqe shëndetsore nuk merr pjesë në seancën gjyqësore, ju vazhdohet paraburgimi, Tahiri se kalon pragun, Haki Abazi i merr veç 1 vota, Ardian Kastrati se kalon pragun, Pay Pali po lufton për jetë a vdekje me pragun, Zafir Berishës ja kishin vjedh hakerat votat”, shkroi kandidati për deputet.
Ish-presidenti Hashim Thaçi, i cili po gjykohet në Gjykatën Speciale në Hagë, të martën nuk mori pjesë në seancën gjyqësore kundër tij dhe të tjerëve në Dhomat e Specializuara të Kosovës në Hagë.
Munega e tij ndërlidhet me një problem shëndetësor me të cilin po përballet, tha gjyqtari i Dhomave të Specializuara, Charles Smith. /Paparaci.com
