3 mijë vota më shumë për Abdixhikun, kjo është lista e LDK-së me përditësimin e fundit
Komisoni Qendror i Zgjedhjeve ka përditësuar listën e kandidatëve pas numërimit edhe të 2.17 për qind të vendvotimeve tjera.
Me përditësimin e fundit, kandidati i LDK-së për kryeministër, Lumir Abdixhiku, ka marrë 112 mijë e 474 vota. Pas tij janë Doarsa Kica- Xhelili me 46 mijë e 90 vota, e Hykmete Bajrami me 43 mijë e 87 vota.
Në këto rezultate nuk përfshihen rezultatet e votave me kusht, votave të personave me nevoja të veçanta dhe votave nga votimi jashtë Kosovës, numërimi i të cilave do të bëhet gjatë ditëve në vazhdim në Qendrën e Numërimit dhe Rezultateve.
