Garë e ngushtë mes AAK-së dhe Nismës për një deputet

Komisioni Qendror i Zgjedhjeve ka bërë një përditësim të ri nga procesimi i të dhënave të kandidatëve për deputetë.

Teksa tashmë janë numëruar 92.58% të votave për kandidatët për deputetë, një garë e ashpër është duke u zhvilluar mes mes AAK-së dhe Nismës për një deputet.

Deri më tash, ulëse në Kuvend nga ky koalicion kanë siguruar: Ramush Haradinaj, Fatmir Limaj, Daut Haradinaj, Bekë Berisha, Time Kadriaj, Arbëreshë Krasniqi dhe Xhevahire Izmaku falë kuotës gjinore.

Gara e ashpër është mes Lahi Brahimajt dhe Vesel Krasniqit.

Brahimaj ka 10 mijë e 775 vota, kurse Krasniqi ka 10 mijë e 529. Votat nga diaspora dhe ato me kusht duket se do të jenë përcaktuese se cili do ta fitojë garën.