Hykmete Bajrami pas rastit në Podujevë: Duhet veprim urgjent
Kandidatja e LDK-së për deputete, Hykmete Bajrami, ka reaguar pas tragjedisë së sotme në Podujevë, ku një grua humbi jetën si pasojë e një sulmi brutal nga qentë endacakë.
Ajo ka bërë një thirrje drejt Qeverisë Kurti, për veprim urgjent kundër situatës së krijuar me qentë endacakë.
“Kryeministri në detyrë duhet të ftojë urgjentisht në takim Asociacionin e Komunave, Qeveria në detyrë duhet të ndajë fonde, të caktojë detyra dhe përgjegjësi për institucionet përkatëse, të caktojë afate kohore që trajtimi i qenve endacakë të fillojë mënjëherë, në nivel vendi.Po e përsëris: ky problem duhet të adresohet me urgjencë!Tragjeditë si kjo e sotmja nuk duhet të kalojnë pa reagim institucional, dhe nuk po flas për deklarata me shkrim, por për veprime konkrete. Në fund të fundit, çfarë na duhen institucionet nëse nuk mund të ofrojnë siguri për qytetarët jashtë oborrit të tyre?”,shkroi Bajrami në një postim në Facebook.
Në fund, Bajrami ka shprehur ngushëllime për familjen e gruas që humbi jetën në këtë tragjedi.
