14-vjeçari e sulmon dhe e përplas shoqen e klasës

Rrahjet e përleshjet mes nxënësve në shkollat fillore e të mesme janë shumë të shpeshta. Drejtoritë shpesh detyrohen të kërkojnë ndihmën e Policisë për të intervenuar në incidente të tilla që ndodhin brenda hapësirave të shkollave. Një rast i tillë dyshohet se ka ndodhur në një shkollë fillore në Lipjan, ku janë përfshirë dy nxënës, raporton Gazeta Sinjali.

Sinjali mëson se ngjarja dyshohet të ketë ndodhur në shkollën “Haradin Bajrami” në Magure, ku një nxënës 14-vjeçar, ka sulmuar fizikisht një shoqe të klasës, të cilës për

Viktima është një 13-vjeçare, e cila ka pësuar lëndime trupore dhe ka marrë trajtim mjekësor.

Rasti është denoncuar nga prindi i vajzës, i cili ka kërkuar ndihmë në Polici.

Si rezultat, Policia është vënë në lëvizje dhe i dyshuari, i cili është përsëritës i kësaj vepre është shoqëruar në stacion dhe është intervistuar në prani të prindërit.

Me urdhër të Prokurorit të Shtetit, nxënësi është ndaluar për 24 orë për veprën penale ‘Lëndim i lehtë trupor”.

Kujtojmë se rastet e tilla janë kthyer në shqetësim edhe për prindërit, për shkak të sigurisë në institucionet arsimore dhe në afërsi të tyre.