E dhimbshme: Ndërron jetë Larisa Sokoli

Ka ndërruar jetë Larisa Sokoli, nxënëse në shkollën e mesme “Xhelal Hajda”, në Rahovec.

Kjo humbje ka trishtuar thellë familjen, shokët, shoqet dhe gjithë komunitetin shkollor, që humbën një vajzë të qetë, të dashur dhe plot energji pozitive.

Shokët dhe shoqet e klasës, gjatë varrimit të saj, i dedikuan një letër prekëse që u lexua në nderim të kujtimit të Larisa-s.

Ata shprehën dhimbjen e madhe për humbjen e saj dhe theksuan se ajo do të jetojë përjetë në zemrat e tyre dhe në kujtimet që kanë me të.

Në mesazhin e shokëve të klasës XII-4, thuhet se Larisa ishte një shoqe e dashur dhe e qetë, dhe kujtimet me të do të mbeten gjithmonë të ndritshme si yjet që shohin nga qielli.