Tufa e qenve rrethon gazetaren gjatë raportimit live

Qentë endacakë vazhdojnë të jenë një problem i kamotshëm në qytetet e Kosovës, duke shkaktuar shqetësim dhe rrezik për qytetarët.
Së fundmi, një rast tragjik në Podujevë ngriti edhe më shumë alarmin, pasi një e moshuar pësoi sulm në zemër, që pretendohet se u shkaktua nga frika prej qenve endacakë, njofton Klankosova.tv.
Një tjetër situatë e rrezikshme ndodhi sot gjatë raportimit live në emisionin “Ora Shtatë” në Klan Kosova, ku gazetarja Qliresa Hasani u rrethua nga një tufë qensh endacakë, situatë që shkaktoi shqetësim gjatë transmetimit direkt.
Ky incident është një tjetër dëshmi se problemit të qenve endacakë i nevojitet një zgjidhje urgjente nga institucionet për të garantuar sigurinë e qytetarëve.
Ndiqni pamjet në videot e mëposhtme: