Djali 34-vjeçar tenton ta rrah babain

Numri i rasteve të dhunës në familje ka marrë përmasa shqetësuese në vendin tonë, pasi çdo ditë persona të ndryshëm përfundojnë në pranga si të dyshuar për dhunë ndaj familjarëve. Këto raste bëhen edhe më të rënda, kur viktima janë prindërit të cilët përjetojnë dhunë psikike e fizike nga fëmijët e tyre, raporton Gazeta Sinjali.

Kështu ka ndodhur dje në një familje në Prishtinë, ku një person është përballur me dhunë nga djali i tij 34-vjeçar.

Burimet nga Prokuroria kanë bërë me dije se ky rast ka ndodhur në shtëpinë e tyre, ku plasi sherri pas një mosmarrëveshje verbale mes tyre.

Djali po dyshohet se e ka ofenduar babain dhe më pas ka tentuar që ta sulmojë fizikisht.

Si rezultat i denoncimit, i dyshuari është arrestuar dhe shoqëruar në stacion policor.

Pas përfundimit të procedurave, me urdhër të Prokurorit të Shtetit është iniciuar rasti tjetër për kryerjen e veprës penale “Dhunë në familje”.