Tekstet për klasët e pesta nuk janë shpërndarë nëpër shkolla (VIDEO)

Megjithëse kanë kaluar gati 1 muaj nga data kur parashihej që të fillonte viti i ri shkollor, për klasat e 5-ta, janë shpërndarë vetëm tekstet e gjuhës angleze.

Përveç kësaj, edhe për disa tituj të klasës 8, e një i së 3-ës, nuk kanë shkuar në shkolla. Po ashtu edhe ditarët për parafillorët e ciklin 1-5, mungojnë në disa institucione arsimore, njofton Klan Kosova.

Kjo gjendje, sipas mësimdhënësve do të ishte problematike edhe sikur të mos kishte grevë.

Për të gjitha mungesat, premtimet i kanë që brenda këtyre ditëve do bëhet furnizimi. Teksa nga Ministria e Arsimit, nuk kanë kthyer përgjigje nëse ka nisur shpërndarja e teksteve që mungojnë, e pse ndodhi kjo vonesë.