Kurti: Gjatë qeverisjes tonë 100 mijë gra kanë hapur për herë të parë xhirollogari bankare

Kryeministri i vendit, Albin Kurti, sot ka marrë pjesë në shënimin e Ditës Ndërkombëtare të Gruas, ku gjatë fjalimit të tij theksoi arritjet e qeverisë në mbështetje të grave, raporton Gazeta Sinjali.

Ai tha se qeveria ka mbështetur punësimin e mbi 12 mijë grave, ndërsa mbi 55% e atyre që janë punësuar në familje pa asnjë të punësuar janë gra.

“Gjatë këtij mandati të parë kemi bërë shumë hapa. Kemi mbështetur punësimin direkt të mbi 12 mijë grave. Mbështetëm punësimin e 4 mijë personave, mbi tyre 55% gra – të familjeve që s’kanë pasur asnjë të punësuar”, tha ai.

“100 mijë gra kanë hapur për herë të parë xhirollogari bankare…Hapat tonë si shtet tregojnë fokus politik edhe konsistencë institucionale – jo pak sfida mbeten. Përvoja e vendit tonë mban një përvojë që nuk mohohet – një shoqëri e dalur nga një okupim i gjatë…e tash duket se betejën me lirinë individuale e ka si sfidë të radhës”, tha mes tjerash Kurti.