Rrahja te ‘Xhamia e Llapit’: Lëndohen pesë persona

Një incident ka ndodhur sonte afër “Xhamisë së Llapit” në Prishtinë, saktësisht në rrugën “Lidhja e Prizrenit”, ku disa persona janë përfshirë në një përleshje fizike, duke u rrahur mes vete, raporton GazetaSinjali.

Si pasojë e kësaj rrahjeje, pesë persona kanë pësuar lëndime dhe kanë pranuar ndihmë mjekësore.

Në vendin e gjarjes kanë dalë njësitet policore, të cilët kanë ndërmarrëtë gjitha veprimet e nevojshme në lidhje me rastin, ku kanë shoqëruar në polici pesë persona të përfshirë në përleshje.

“Sot rreth orës 20:00 është pranuar informata për një rrahje në rrugën “Lidhja e Prizrenit” në Prishtinë. Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes pesë persona janë lënduar dhe të njëjtit menjëherë kanë pranuar trajtimin e nevojshëm mjekësor. Policia ka shoqëruar në stacion policor 5 persona të dyshuar të cilët ishin të përfshirë në rast”, ka njoftuar Policia.

Ndërkaq, hetimet për zbardhjen e rrethanave dhe motiveve të ngjarjes janë duke vazhduar.