Përparim Rama merr një vendim të mirëpritur për qytetarët që udhëtojnë me autobusë

Nga sot, të gjithë udhëtarët që mbërrijnë në stacionin e autobusëve në Prishtinë nga çdo qytet i Kosovës do të përfitojnë biletën gjithëditore për transportin urban në kryeqytet, pa pagesë shtesë.

Lajmin e bëri të ditur kryetari i Komunës së Prishtinës, Përparim Rama.

Përmes një statusi në Facebook theksoi se ky vendim i cili zbatohet për herë të parë në historinë e transportit urban në Prishtinë, është pjesë e reformës për modernizimin e shërbimeve publike dhe hyn në fuqi më 17 mars 2025.

“Përfitimet e kësaj nisme pritet të jenë të shumta, duke përfshirë:

✔ Më pak vetura në qytet

✔ Zvogëlim të trafikut dhe ndotjes mjedisore

✔ Rritje të sigurisë dhe organizimit në transportin publik

Ky është një hap tjetër i rëndësishëm drejt një kryeqyteti më funksional dhe më të sigurt për të gjithë qytetarët”, thuhet në publikim./Indeksonline/