Endrit Thaçi: Nuk e lejuan babin as t’ia gjuajë gjyshit një grusht dhe të Drenicës
Djali i ish presidentit Hashim Thaçi, Endrit Thaçi, ka marrë fjalën në mbledhjen komemorative që po mbahet për nder të gjyshit të tij, Haxhi Thaçit, i cili do të varroset sot, raporton Gazeta Sinjali.
Ai ka falënderuar të gjithë për përkrahjen, e po ashtu ka përmendur dhimbjen që Hashim Thaçi nuk u lejua të jetë në Kosovë.
“Gjyshi asnjëherë nuk është dorëzuar përballë sëmundjeve. Shpresa për ta takuar babin ishte më e madhe se dhimbjet e sëmundjeve. Besimi ishte më i madh se aktakuza e padrejtë. Në muajt e fundit çdo orë priste t’ia hapte derën e spitalit, nuk u dorëzua dhe u rikthye në jetë disa ditë. Tri orë atë ditë, iu bënë një jetë. Që të dy e kërkonin lirinë, çlirimin. Vdekjen e shpejtë të gjyshit e pashë në fytyrën e babait kur doli nga spitali.
Ai iu mbijetoi të gjitha vuajtjeve, por këto 4 vite nuk i mbijetoi dhimbjes nga padrejtësia. Sëmundje e pashërueshme për njerëz të fortë. Me vdekë pa u koritë, siç thoshte ai. Gjysh, as sot nuk jemi korit. Babin nuk e lejuan të jap lamtumirën e fundit, nuk e lejuan t’ia gjuajë një gusht të dheut të Drenicës, por në vend të babit sot ka ardhur Kosova, Shqipëria, Maqedonia e Lugina”, tha Endrit Thaçi.
