Një grua raporton se ia vodhën veturën afër Emergjencës, Policia e gjen automjetin në parkingun e IML-së

Një veturë e raportuar si e vjedhur në hapësirat e Qendrës Klinike Universitare të Kosovës (QKUK) është gjetur sot nga Policia e Kosovës, një ditë pas raportimit. Vetura u gjet në parkingun e IML-së, raporton Gazeta Sinjali.

Sipas burimeve të Sinjalit, rasti u denoncua dje nga një grua e cila raportoi se i është vjedhur vetura që e kishte parkuar pranë Emergjencës së QKUK-së, në orët e mesditës.

Vetura në vlerë të 13,000 euro nuk u gjet ndonëse djali i pronares kishte deklaruar para Policisë se e kishte kërkuar në të gjitha hapësirat e QKUK-së.

Lidhur me rastin, është vënë në dijeni edhe Prokurori i Shtetit, i cili ka urdhëruar ndërmarrjen e veprimeve të nevojshme për t’i zbardhur rrethanat e rastit.