“Ma herët kam dalë për pare”

Ka 7 ditë që nuk ka dalë nga shtëpia, derisa deri para një jave, nata e gjente kudo tjetër përveç në këtë vend.

Ndërkohë, arresti shtëpiak e lejon të dalë vetëm deri në oborr.

Është kjo 20 vjeçarja V.H nga Mirashi i Ferizajt, e cila dyshohet se bashkë me të dashurin e saj, E.S nga Topliqani i Lipjanit, kanë trafikuar vajza të mitura të moshave 15, 16 dhe 17 vjeçe, me qëllim të përfitimit të parave, raporton Kiks Kosova.

Në mesin vajzave që dyshohen të jenë shfrytëzuar për prostitucion, është edhe motra e saj, 16 vjeçe.

Me këtë veprimtari, të cilën e kishin shndërruar në biznes, dyshohet ta kenë nisur të merren që nga gushti i vitit 2024 e deri në mars të vitit 2025, kur edhe ranë në prangat e policisë.

Arrestimi i çiftit erdhi derisa ata shkuan për të pushuar në një vilë në qytetin e Lipjanit.

Në natën e 15 marsit, bashkë me ta në të njëjtën dhomë moteli ishte edhe motra e të dyshuarës, 16 vjeçe, si dhe shoqja e saj e po të njëjtës moshë.

Sipas të dyshuarës V.H, ata kishin shkuar në vilë pas një vizite mjekësore që kishte pasur motra e saj, si pasojë e dhimbjeve që kishte marrë nga një aksident dhe rrahja nga një vajze tjetër, javë më parë.

E dyshuara për trafikim, për Kiks Kosova ka rrëfyer momentin e arrestimit.

Ndiqeni rrëfimin e saj më poshtë: