Gruaja në hall me vjehrrin, e denoncon për dhunë në familje

Rastet e dhunës në familje janë në rritje çdo ditë e më shumë. Zakonisht viktima janë gratë, të cilat përjetojnë dhunë psikike e fizike jo vetëm nga bashkëshortët, por edhe nga pjesëtarët tjerë të familjes, raporton Gazeta Sinjali.

Burimet nga Prokuroria kanë bërë me dije se një rast i tillë është raportuar sot në rrugën “Lidhja e Lezhës” në Vushtrri, Prizrenit, ku një 36-vjeçare ka denoncuar në Polici vjehrrin e saj.

Bazuar në dëshminë e viktimës të dhënë para hetuesve policorë, vjehrri i 64-vjeçar po ushtron dhunë sistematike ndaj saj, duke i bërë presion, e deri ën atë pikë sa ka tentuar edhe ta sulmojë fizikisht në sy të fëmijëve të saj.

Përballë kësaj situate, gruaja është shqetësuar në mase të madhe dhe ka vendosur që të kërkojë ndihmë, duke e raportuar rastin.

Si rezultat i raportimit, me urdhër të Prokurorit të Shtetit kanë nisur hetimet për dhunë në familje ndaj të dyshuarit, kurse gruaja është dërguar në strehimore, aty ku ndihet më e sigurt.