LAJMI I FUNDIT

LAJMI I FUNDIT: Raportohet për të vdekur në Veternik nga shembja e dheut

Në Veternik të Prishtinës, më saktë në rrugën “Richard Holbrooke”, sot ka pasur shembje të dheut, shskruan Gazeta Infokus.

Lajmi është konfirmuar nga Drejtori i Zjarrfikësve në Prishtinë, Abdusamed Shkodra. Ai bëri të ditur se për momentin janë në intervenim.

E për këtë rast burime të Gazetës Infokus kanë bërë të ditur se një person ka humbur jetën dhe trupi I tij sapo është larguar nga rrënojat.

Nga fotografitë janë publikuar, shihet se në vendin e ngjarjes janë Policia e Kosovës, autoambulanca dhe zjarrfikësit.

Gjithashtu raportohet se vendi ku është shembur dheu është një vendpunishte.Ndërkaq Gazeta Infokus ka kontaktuar me Policinë e Kosovës dhe është në pritje të informacioneve zyrtare./Gazeta Infokus/