Konflikt mes shqiptarëve në Itali

Një ngjarje e rëndë ka ndodhur mbrëmjen e së dielës në Pordenone të Italisë, ku Vladimir Topjana, shtetas shqiptar u qëllua me armë zjarri nga një shqiptar tjetër, shkruan Gazeta Sinjali.

43-vjeçari Topjana ka qenë duke folur me një të afërm të tij, kur dy persona të tjerë po ashtu shqiptarë kanë dalë nga një veturë dhe kanë nisur një kacafytje me viktimën.

Për fat të keq, debati verbal u shndërrua në vrasje. Njëri nga personat nxori armën dhe qëlloi të paktën tre herë.

Sa i përket autorit, ai është arrestuar nga policia dhe bëhet fjalë për një 30-vjeçar. I dyshuari fillimisht u arratis nga vendi i krimit, por u kap pas disa orësh teksa ishte nisur në drejtim të një qyteti tjetër.