Gani Geci del me propozim për Abdixhikun: Ja si duhet t’i përgjigjet ftesës së Kurtit
Anëtari i Lidhjes Demokratike të Kosovës, Gani Geci propozoi sot që LDK-ja duhet të pranojë negociatat me Lëvizjen Vetëvendosje për bashkëqeverisje.
Por, Geci tha se koalicioni duhet të ndodhë me kushte.
Duke e komentuar letrën që Albin Kurti ia dërgoi kryetarit të LDK-së, Lumir Abdixhikut, Geci tha se LDK-ja duhet të insistoi që programi i LDK-së të implementohet si program i qeverisë së re.
“Tani për LDK-në janë pajtuar të gjithë në Kosovë se LDK-ja e ka pasur programin më të mirë prazgjedhor nga të gjitha partitë, andaj mendoj se LDK duhet t’i tregojë LVV-së se nuk di të qeverisë, nuk di të bëjë program, nuk di të krijojë ura miqësie as me ndërkombëtarët as me shqiptarët, prandaj LDK-ja duhet të insistojë që të inkorporohet në përgjithësi programi i LDK-së”, shkroi ai në një postim në Facebook.
“Të rritet koeficienti 150 euro që javën e parë dhe të zbatohet në tërësi programi parazgjedhor i LDK-së, dhe pastaj të flasin për ndarje pushtetesh”, shtoi Geci.
